nasin tenpo mi
tan seme?
nasin tenpo Kekoli li ike mute li wile e nanpa mute. toki pona li jo ala e nanpa mute. nanpa li ike. tan ni la mi wile e nasin tenpo ante.
nasin
nasin tenpo mi li jo ijo ni: suno en kule en mun en kon en sike.
tenpo suno li tenpo pi suno kama.
tenpo kule li jo e ni tenpo suno:
- tenpo suno awen
- tenpo suno suwi
- tenpo suno wawa
- tenpo suno musi
- tenpo suno sona
- tenpo suno kulupu
ona li nimi tan ijo pona mute. awen li pona. suwi li pona. taso la suwi li ante tawa awen. ni li lon tawa ni ali.
tenpo mun li jo e ni tenpo kule:
- tenpo kule walo
- tenpo kule loje
- tenpo kule jelo
- tenpo kule laso
- tenpo kule pimeja
lon la tenpo mun li ni:
|
awen |
suwi |
wawa |
musi |
sona |
kulupu |
| walo |
wan | tu | | | | |
| loje |
| | | | | |
| jelo |
| | | | | |
| laso |
| | | | | |
| pimeja |
| | | | | |
tenpo ni la mi wile toki e ijo ante.
tenpo kon ali li ni:
- tenpo kon lete
- tenpo kon kasi
- tenpo kon seli
- tenpo kon moli
tenpo kon li jo e tenpo mun mute. tenpo mun li nimi kepeken ni:
- nimi kon ni en nimi kon pini
- nimi kon ni en lawa
- nimi konni en nimi kon kama
o kute. tenpo kon li jo e tenpo mun en tenpo suno wan tan ni: tenpo nanpa li ike.
tenpo ni la mi toki e ijo wan. taso la ni li jo e kepeken ali.
tenpo kon kasi li jo e ni:
- tenpo suno sewi pi kasi sin
- tenpo mun pi kasi lete
- tenpo mun pi kasi lawa
- tenpo mun pi kasi seli
tenpo sike li jo e ni:
- tenpo suno sewi pi sike sin
- tenpo mun pi lete lawa
- tenpo mun pi lete kasi
- tenpo suno sewi pi kasi sin
- tenpo mun pi kasi lete
- tenpo mun pi kasi lawa
- tenpo mun pi kasi seli
- tenpo suno sewi pi seli sin
- tenpo mun pi seli kasi
- tenpo mun pi seli lawa
- tenpo mun pi seli moli
- tenpo suno sewi pi moli sin
- tenpo mun pi moli seli
- tenpo mun pi moli lawa
- tenpo mun pi moli lete
- tenpo suno sewi pi lete sin
- tenpo mun pi lete moli
tenpo ni la mi pana e tenpo musi kepeken nasin tenpo mi.
| tenpo musi |
nasin tenpo mi |
| tenpo suno pi sike sin |
tenpo suno sewi pi sike sin |
| tenpo suno olin |
tenpo suwi jelo pi lete kasi |
| tenpo suno musi pi lon ala |
tenpo sona pimeja pi kasi lete |
| tenpo suno moli |
tenpo wawa walo pi kasi seli |
| tenpo suno monsuta |
tenpo kulupu pimeja pi moli lawa |
| tenpo suno pana |
tenpo kulupu laso pi lete moli |
toki insa mi
nasin tenpo mi li ike lili. taso la tenpo li ike suli.
ijo ike
tenpo suno sin li ike mute. ona li pakala e nanpa. tenpo kule ali li sama ala. tan ni la mi nanpa ala e tenpo suno sin. mi toki pi lon ala e ni: "tenpo kule ali li sama"
ijo pona
suno sin li musi mute. ona li tenpo musi li tenpo pi pali ala tawa mi.
tenpo kule wan sama tenpo kule ali. tenpo mun wan sama tenpo mun ali. tenpo kon wan li tenpo kon ali.
nimi pi tenpo suno li ijo pona. lon tenpo suno suwi la mi wile suwi.
kepeken sitelen pona la nanpa pi nimi tenpo ali li sama:
tenpo kulupu laso pi(lete lawa)
tenpo suwi jelo pi(moli seli)
tenpo sona walo pi(seli kasi)
tenpo suno sewi pi(sike sin)
nasin tenpo mi li jo ala e nanpa. ni li pona tan nanpa li ike.
ijo ante ken
ijo ante tan nasin sina li ni:
- tenpo suno sewi li tenpo suno namako
- nanpa pi tenpo kule insa en nanpa pi tenpo kule li esun